0487 2329000 devasthanam44@gmail.com Peringottukara, Thrissur

ஸ்ரீ விஷ்ணுமாயாவின் கதை

பகவான் விஷ்ணுமாயா சாஸ்தா, முருகர் மற்றும் விக்னேஸ்வரரின் சகோதரன் ஆவார், ஆனால் இந்த சிவானந்தனன் (சிவபெருமானின் குழந்தை) பரவலாக வழிபடப்படுவது இல்லை, மிக அற்புதமான பலன்கள் தேவைப்படும் ஒரு சிறப்பு வகை பக்தர்களால் மட்டுமே வழிபடப்படுகிறார். “விஷ்ணுமாயா எளிதில் மகிழ்ச்சி அடைபவர், கருணையுள்ளம் கொண்டவர்” என்பது பக்தர்களின் சொற்கள் ஆகும். பெரிங்கோட்டுக்கரை ஸ்ரீ விஷ்ணுமாயாவின் மகிமையைக் காண்போம். முன்பு ஒருமுறை சிவபெருமான் தன் தெய்வீக வேட்டைக்கு செல்லும் வழியில் கூலிவாகா எனும் ஒரு பழங்குடிப் பெண்ணைப் பார்க்கிறார். அவள் பார்வதி தேவியின் பக்தை. "கூலிவாகா முந்தைய பிறவியில் கணபதிக்கு தாய்ப்பால் கொடுத்தவள். இப்பிறவியில் சிவபெருமானின் மகனை வளர்க்கும் ஒரு வாய்ப்பை பெற்றுள்ளாள்”. சிவபெருமான் கூலிவாகாவை அணுகி, தன் மகனுக்கான தாயாக இருக்கத் தயாராக இருக்கும்படி கேட்டார். கூலிவாகா ஒரு பார்வதி தேவி பக்தை. அவளுடைய அவல நிலையை அறிந்ததும், பார்வதி தேவி கூலிவாகாவை போல மாறுவேடமிட்டு சிவபெருமானை வரவேற்க காத்திருந்தார். சிவபெருமான் மற்றும் மாறுவேடமிட்டிருந்த பார்வதி தேவி ஆகியோரின் இணைவால் ஒரு அழகான குழந்தை பிறந்தது. சிவபெருமானும் பார்வதி தேவியும் கூலிவாகாவின் முன்னால் தோன்றினர், மேலும் குழந்தையை வளர்ப்பதற்காக அவளை நியமித்தனர். சில ஆண்டுகள் கடந்தபின், குழந்தை தனது உண்மையான பெற்றோரின் விவரங்களை அறிந்து கொள்ளும் அளவுக்கு முதிர்ச்சியடைந்தது. பின்னர் அந்த சிவானந்தன் ஒரு அழகிய காட்டெருமையில் தனக்கு பிடித்த ஏழராவை வாசித்துக்கொண்டே சிவபெருமான் வசிக்குமிடத்தை நோக்கி சென்றான்.

 

அவன் சிவபெருமான் வசிக்குமிடத்திற்குள் அனுமதிக்கப்படாதபோது, சிவானந்தன் விஷ்ணுவின் வடிவத்தை எடுத்தான். அதனால் சிவானந்தன் ‘விஷ்ணுமாயா’ என அறியப்பட்டான். பகவான் விஷ்ணுமாயா தன் பெற்றோர்களுடன் இருந்த போபோது, பிருங்கன் மற்றும் ஜலந்தரன் போன்ற அசுரன்களைக் கொன்றார். அவர் செய்த தெய்வீக செயல்களால் சொர்க்கத்தில் வசிப்பதற்காக அழைக்கப்பட்டார். ஆனால் பகவான் விஷ்ணுமாயா "நான் பூமியில் மனிதர்களுடன் வாழவே விரும்புகிறேன்" என்று கூறினார். இந்த தெய்வத்தை வடக்கு கேரளாவில் உள்ள புஞ்சநெல்லூர் குடும்பத்தினர் வணங்கினர். கிராமத்தை துயரத்திலிருந்து பாதுகாக்க விரும்பிய வேலுமுத்தப்பன் பகவானின் மனதை குளிர்விப்பதற்காக கடுமையான பிராயச்சித்தம் செய்தார். ஒரு தீர்வை வேண்டி புவனேஸ்வரியை வழிபட்டார். புவனேஸ்வரி அவரின் முன்பாக தோன்றி, “விஷ்ணுமாயாவின் சிலையை நிறுவி, மிகுந்த பக்தியுடன் வழிபடுங்கள்” என்றார். வேலுமுத்தப்பன் ஆலோசனையின் படி செய்தார்.

 

ஒருநாள் காலையில் அவருக்கு திரிப்ரையார் ஆற்றில் ஒரு விஷ்ணுமாயா விக்கிரகம் கிடைத்தது. அதை தனது வீட்டிற்கு கொண்டு வந்தார். பின்னர் அவர் புஞ்சநெல்லூர் குடும்பத்தின் ஆலோசனையை நாடினார். குடும்பத்தில் மூத்தவர் அவருக்கு ‘மூலமந்திரத்தை’ (தெய்வீக பாசுரம்) வழங்கினார். வேலுமுத்தப்பன்  சுவாமி விஷ்ணுமாயாவை வழிபடத் தொடங்கினார், அவரைப் பின்பற்றுபவர்களில் சிலர் விஷ்ணுமாயா சமயக் கோட்பாட்டின் வெளிச்சப்படுக்களாக தேர்ந்தெடுக்கப்பட்டனர். வேலுமுத்தப்பன் கட்டிய சன்னதிக்கு 4 தலைமுறைகளால் சேவை செய்யப்பட்டு வரப்படுகின்றது. இன்று இந்த சன்னதி பல பக்தர்கள் தங்கள் பிரச்சினைகளுக்கு தீர்வு காணும் இடமான பெரிங்கோட்டுக்கரை தேவஸ்தானமாக புகழ்பெற்றுள்ளது.

Call Now
× Whatsapp Us